Mittwoch, 10. November 2010

Andrea Thüler: SchiffFrauGarn - Beobachtungen auf der Stadt Bern in der Stadt Thun – Teil 28

DSC_0030
Foto ©Andrea Thüler/kulturtv.ch


D’Schifferin hocket uf em Schiff u schiferet uf e See use

Da xeht si e Gieu wo e Stei über ds Wasser schiferet

U dä schiferet uf se zue u preicht se a dr Stirne

U si meint si spinni, si spinni Garn

U wo si xeht wie Eine z’oberscht vor Kapitänskabine obenache schiffet

Spinnt si no meh, no meh Garn bis ds ganze Schiff umgarnet isch, bis i di erschti Klass

U au die erschtklass Prinze wärde umgarnet bis sy nÜmm chöi säge

U aues Anker lichte nützt nüt, d’Schrube isch vou Garn u überau isch Garn u das Schiff fahrt nümm, wüu das SchiffFrouGarn spinnt u spinnt u spinnt u spinnt bis z’Brahms Röösi aafaht singe u aui Gartetööri ids Casino flüchte.

Lieber chly ga Roulette spile aus vor luter Garn nümm chönne ....

 


Alle Texte und Fotos von Andrea Thüler –> hier
Alles zur Stadt Bern in der Stadt Thun –> hier


Keine Kommentare:

Kommentar veröffentlichen