Donnerstag, 14. August 2014

Andrea Thüler: TurtFrauGarn 14 - Beobachtungen in einer andern Welt zu Turtmann

anlässlich der Triennale Wallis 2014Andrea-Thueler-14-DSC_0178
Foto ©Andrea Thüler/kulturtv.ch


TurtFrauGarn 14

Tagwohl!

Grüessech

Syt iär diä wa diä Süsann tiät ramplassiäru?

ehhh - wie bitte?

ja also tiät iär diä Süsann oder Sandra oder wie schii heisst ramplassiäru?

ramplassiere?

ja also syt iär für diä -

Sabina! - nej i tue die nid ersetze, auso i bi ke Ersatz, i bin es Original!

jäää also soo hän ich das nid gmeint!

aber gseit! „ramplassiere“ chunnt doch usem französische „remplacer“ oder?

u lut Duden heisst das „ersetzen

ja güöt aber iär syt hitta züöständig im Hotl

Ja! Ei Tag ig u der anger Tag d Sabina u mir sy beide es Original

Ja de! Git das hiä no där Pallett-Rolli?

Ballett Roli?

Ja fär diä Pallett mit dä Triennale-Zytigä z’värschiebu

är ischt üssena eswa gsy…

aha! - ja de gö mer doch ga luege - hie isch nüt, nume dä u dä geit öppe nid?

nej das geit nit, das ist laut Duden eine „Sackkarre“!

 


Alle Texte und Fotos von Andrea Thüler –> hier
Homepage Andrea Thüler –> hier
Alles zur Triennale Wallis 2014 –> hier

Keine Kommentare:

Kommentar veröffentlichen