Dienstag, 19. August 2014

Andrea Thüler: TurtFrauGarn 19 - Beobachtungen in einer andern Welt zu Turtmann

anlässlich der Triennale Wallis 2014Andrea_Thueler-19-DSC_0163
Foto: zVg/kulturtv.ch


TurtFrauGarn 19

Si chunnt schnadig ine
uf 20 cm hööche Stögelischue
mit chäche solariumprüünte Wadli
em ne Designer Deux Pièces
u re schigge Frisur.

Ihre Ma isch 20 cm chlyner
u eher dr sportlech Typ
mit Jeans, grosse Turnschue
u emne wildweschtlech ghusete Hemmli.

Es speziells Paar würdi säge

Si luegt mi zimlech vo obenaben a
won i säge, dass dr Ytritt 14 Franke choschtet

Är nimmt churzerhand dr Plan id Händ
findet die 14 Franken OK
u laaht sech la zeige wo me d’Kunscht fingt

Si seit uf jedi Erklärig
„mer xänds dänn scho“

Nach dreiehalb Stund chöme si wider

Är mit vieu Turscht
u si chly verstrublet
u mit de Stögelischue i dr Hand

„Die Usstellig hätt mich jetz also gschafft“ seit si

Ja, u 20 cm obenabe ghout – dänken ig


Alle Texte und Fotos von Andrea Thüler –> hier
Homepage Andrea Thüler –> hier
Alles zur Triennale Wallis 2014 –> hier
Alle Infos zum Standort "Turtmann" - hier





Keine Kommentare:

Kommentar veröffentlichen