Sonntag, 31. August 2014

Andrea Thüler: TurtFrauGarn 31 - Beobachtungen in einer andern Welt zu Turtmann – der letzte Beitrag

anlässlich der Triennale Wallis 2014
andrea-thueler-31-DSC_0486 
Foto: Andrea Thüler/kulturtv.ch


TurtFrauGarn 31

Aus die Maus

Doldor, Brandilla, Blonde, Radler, Rivella, Coca, Mineral, gsalzeni Nüssli, Salzstängeli, e Garte-Lounge, e Bibliothek mit interessante Kunschtbüecher, es Hotel wo kes meh isch, e Tili wo sech als Kunschtwärk entpuppt, e Theke wo eim d’Schublade chöme cho entgäge z’flüge, es Muultier wo eim mit tröije Ougen aaluegt, e Chüeuschrank wo au Pot sis Liedli singt, es Geisseglöggeli, Cherzli, Zedeli hie, Zedeli dert, Zedeli da, Lämpli wo i aune Farbe blinke, bis si eim ufrege, es Sääli wo nid weis ob es je no mau besunge wird, e usträttni Schteischtäge wo meh weis aus mir aui, ds Dürzuugeisi wo hingevüre luftet, zwe Zwätschgeböim un e riisige Holderbusch, es weichs nostalgischs Sofa, jede Schtueu en angere, es Gäschtebuech, Gleser u Plastiggbächer, au die Schteine wo d’Bletter beschwäre, dass si nid drvo flüge, die rote Bodeplatte, die dicke Muure...
I luegen aues no eis gnau a, nimes mit im ne innere Album, won i jederzyt cha dry luege, wenn i Längizyti ha, nach däm eigenartige Hotel mit dene eigenartige Grüüsch u Grüch u däm eigenartige Summer.

Hüt isch dr letscht Tag u morn bini froh, wenn i nümm mues im Dürzuug schtah.
U wenn i Längizyti ha nach dene wunderbare Mönsche hie, chumeni eifach wider zrügg nach Turtmann, es isch nämlech gar nid wyt!

Danke TurtFroue u TurtManne! Es isch bsungers gsy!


Liebe Andrea
Ich danke dir für dein grosses Engagement für ganz Turmann, für die Ausstellung und nicht zuletzt auch für deine Beiträge im kulturtv-Blog. Es war einmal mehr ein grosses tägliches Vergnügen, deine Texte zu lesen, deine Beobachtungen mit schauen zu dürfen.
Ich freue mich schon auf die nächste Gelegenheit und wie ich dich kenne > sie kommt bestimmt.
Roger Levy


Alle Texte und Fotos von Andrea Thüler –> hier
Homepage Andrea Thüler –> hier
Alles zur Triennale Wallis 2014 –> hier
Alle Infos zum Standort "Turtmann" – hier


Keine Kommentare:

Kommentar veröffentlichen